چولہا کالک دے اور برتنوں کو جلائے تو اس کو صاف کیسے کریں، جس سے یہ دوبارہ نئے جیسا ہو جائے؟

چولہا صاف تو خواتین ہر روز ہی کرتی ہوں گی کیونکہ کھانا بنانے کے بعد اگر چولہا صاف نہ کیا جائے تو اس پر گندگی جم جاتی ہے اور چولہے کی رونق ماند پر جاتی ہے۔ ایسے میں اکثر چولہا اتنی کالک دینے لگتا ہے کہ برتن بھی کالے پڑ جاتے ہیں۔ اس سے بچنے کے لئے ہماری ویب میں آج آسان ترکیب بتائی اج رہی ہے، بس آزمائیے اور چولہا چمکائیے۔

چولہا کالک اس وجہ سے دیتا ہے کیونکہ اس کی جالیوں کے اندر جب اضافی گیس کے زرات جمع ہوتے ہیں تو وہ مل بانٹ کر فیومز بناتے ہیں، جس کی وجہ سے چولہا کالک دینے لگتا ہے۔

٭ سب سے پہلے تو چولہے کو اندر سے کھولیں، اس کی ہر جالی اور یہاں تک کہ گول پیندے کو صاف کپڑے سے صاف کریں اور پھر ایک گیلے کپڑے سے اچھی طرح صفائی کریں اور پھر سرف لے کر اس کو رگڑ کر دھولیں۔ یہ صاف ہو جائے گا اور پھر برتن کالے نہیں کرے گا۔

٭ چولہے اور کیبنٹ کو پہلے تو گیلے کپڑے سے صاف کرلیں۔

٭ ایک بالٹی میں نیم گرم پانی ڈالیں اور اس میں واشنگ پاؤڈر اور سفید سرکہ ڈال کر مکس کرکے محلول بنالیں۔

٭ ایک گیلے کپڑے میں تھوڑا سا میٹھا سوڈا ڈالیں اور اس سے کیبنٹ اور چولہے کو اچھی طرح رگڑیں۔

٭ اس کے بعد ایک تولیہے کے پیس کو بالٹی والے محلول میں ڈپ کرکے تمام کیبنٹس اور چولہے کی اچھی طرح صفائی کرلیں۔

٭ اور آخر میں پانی سے دھو لیں۔ تو ہوگئے صاف کیبنٹ چمک گیا گھر کا کچن۔

شیئر کریں

Leave a comment

Your email address will not be published. Required fields are marked *